பெற்றோர் மற்றும் குடும்பம்: விடுப்பு மற்றும் நிதி உதவி

குழந்தை பிறக்கும் போது வேலையில் இருக்கும் பெண்களுக்கு 14 வாரங்கள் ஊதியத்துடன் கூடிய மகப்பேறு விடுப்புக்கு உரிமை உண்டு. இந்த சமயத்தில், அவர்கள் தங்கள் சம்பளத்தில் குறைந்தது 80% பெறுவார்கள்.

வேலையில்லாத பெண்கள் அல்லது வேலை செய்ய முடியாத பெண்கள் வேலையின்மை அலுவலகம் அல்லது காந்தோனிய இழப்பீட்டு நிதி அலுவலகத்தை தொடர்பு கொள்ள வேண்டும். அவர்களுக்கும் ஊதியத்துடன் கூடிய மகப்பேறு விடுப்புக்கு உரிமை உள்ளதா என்று அவர்கள் கேட்க வேண்டும்.

பிறப்புக்குப் பிறகு, தாய்மார்கள் எட்டு வாரங்களுக்கு வேலை செய்ய அனுமதிக்கப் படுவதில்லை. இது தாய்மார்களைப் பாதுகாப்பதற்கான ஒரு சட்டம்.

தங்கள் குழந்தை பிறந்த பிறகு, தந்தையர் (அல்லது இரண்டாவது தாய்) 2 வாரங்கள் (14 நாட்கள்) ஊதியத்துடன் கூடிய தந்தைமை விடுப்புக்கு உரிமை உண்டு. தந்தையர் (அல்லது இரண்டாவது தாய்) இந்த 14 நாட்களை ஒரே மூச்சிலோ அல்லது விட்டுவிட்டோ எடுத்துக் கொள்ளலாம்.

குழந்தை பிறந்த 6 மாதங்களுக்குள் இந்த நாட்களை அவர்கள் எடுக்க வேண்டும்.

ஒவ்வொரு குழந்தைக்கும் பெற்றோர் கொடுப்பனவு பெறுகிறார்கள்.

குழந்தை 16 வயதாகும் வரை குழந்தைக்கான கொடுப்பனவு வழங்கப்படுகிறது.

குழந்தைகள் கட்டாயப் பள்ளிப்படிப்பு க்குப் பிறகு படிப்பை தொடர்கிறார்களா? அப்படியென்றால் பெற்றோர்கள் தங்கள் குழந்தைகளுக்கு 25 வயது ஆகும் வரை படிப்புக்கான கொடுப்பனவு ** பெறுகிறார்கள். இந்த கொடுப்பனவு குழந்தை கொடுப்பனவுக்கு பதிலாக அளிக்கப் படுகிறது.

தெரிந்து கொள்வது நல்லது**

அனைத்து குடும்பங்களுக்கும் குடும்ப கொடுப்பனவுகளுக்கு உரிமை உண்டு. பெற்றோர் வேலை செய்பவர்களா, சுயதொழில் செய்பவர்களா, வேலையில்லாதவர்களா அல்லது இருவரும் வேலையில்லாதவர்களா என்பது முக்கியமல்ல.

கொடுப்பனவுகள் மாதந்தோறும் வழங்கப்படுகின்றன. குடும்ப கொடுப்பனவுகளின் அளவு காந்தோனிலிருந்து காந்தோனிற்கு மாறுபடும்.

மேலும் தகவலுக்கு, உங்கள் நிறுவனத்தையோ அல்லது காந்தோனிய இழப்பீட்டு நிதி அலுவலகத்தையோ தொடர்பு கொள்ளவும்.

சுவிட்சர்லாந்தில், பல மண்டலங்கள் பிறப்பு கொடுப்பனவை செலுத்துகின்றன.

ஜூரா காந்தோனும் வழங்குகிறது. இது குழந்தையை வரவேற்பதற்கான ஒரு தடவை நிதி உதவி.

8 வயதுக்குட்பட்ட குழந்தையைத் தத்தெடுக்கும் பெற்றோருக்கு தத்தெடுப்பு கொடுப்பனவு கிடைக்கும்.

மேலும் தகவலுக்கு, உங்கள் நிறுவனத்தையோ அல்லது காந்தோனிய இழப்பீட்டு நிதி அலுவலகத்தையோ தொடர்பு கொள்ளவும்.