ஒருங்கிணைப்பு சலுகைகள்

ஒருங்கிணைப்பு சலுகைகள் வெளிநாட்டு மக்கள் சாதாரண நிறுவனங்களை நன்கு தெரிந்து கொள்ளவும், அவற்றில் எளிதாக சேரவும் உதவுகிறது. உதாரணமாக, பள்ளி, பயிற்சி, வேலை மற்றும் சுகாதாரத் துறை. இவ்வாறு, வெளிநாட்டினர் சமூக வாழ்க்கையில் சிறப்பாக பங்கேற்க முடியும்.

1. தகவல் மற்றும் ஆலோசனை

ஜூரா காந்தோனிற்கு வரும் மக்கள் தகவல் மற்றும் ஆலோசனையைப் பெறுகிறார்கள், எடுத்துக்காட்டாக:

  • தினசரி வாழ்க்கை
  • உரிமைகள் மற்றும் கடமைகள்
  • பிரஞ்சு கற்றல்
  • இளம் சிறார்களுக்கு ஆதரவு
  • பயிற்சி
  • வேலை
  • இனவெறிக்கு எதிரான பாதுகாப்பு.

மக்கள் இங்கே வந்த உடன், ஒரு வரவேற்பு அமர்வுக்கு அழைக்கப்படுகிறார்கள். கொம்யூன் மற்றும் காந்தோன் அவர்களை வரவேற்று, அவர்களுக்கு காந்தோனில் வாழ்க்கை பற்றியும் பயனுள்ள சேவைகள் பற்றியும் தகவல்களை வழங்குகின்றன.

ஒருங்கிணைப்பு மற்றும் இனவெறிக்கு எதிரான போராட்டம் பற்றிய கூடுதல் தகவல் மற்றும் ஆலோசனைகளுக்கு இந்த அலுவலகத்தை தொடர்பு கொள்ளவும்:

வெளிநாட்டினர் ஒருங்கிணைப்பு மற்றும் இனவெறிக்கு எதிரான போராட்டத்திற்கான அலுவலகம்

Faubourg des Capucins 20 – 2800 தெலமோந்த்

மின்னஞ்சல்: secr.bi@jura.ch

தொலைபேசி. 032 420 51 12

திங்கள் மற்றும் வியாழன் 8:30 மணி முதல் 12 மணி வரை மற்றும் 1:30 முதல் 4:30 மணி வரை

வெள்ளி 8:30 மணி முதல் 12 மணி வரை மற்றும் 1:30 முதல் 4 மணி வரை.

AJAM குறிப்பாக புகலிடம் கேட்டு வருபவர்களுக்கு தகவல் மற்றும் ஆலோசனைகளை வழங்குகிறது.

அனைவருக்குமான ஆவண மையம்

போர்ரெந்த்ரூய் (Porrentruy) இல் உள்ள ஜூரா காந்தோனிய நூலகத்தில், பொதுமக்கள் மற்றும் தொழில் வல்லுநர்கள் அனைவருக்குமான ஒரு ஆவண மையம் திறக்கப்பட்டுள்ளது. ஒருங்கிணைப்பு மற்றும் இனவாதத்தின் கருப்பொருள்கள் பற்றிய தகவல்கள் இங்கே உள்ளன.

2. பிரஞ்சு பாடங்கள்

பிரெஞ்சு கற்றல் பேசி புரிந்துகொள்வதற்கும் வேலை அல்லது பயிற்சி பெறுவதற்கும் முக்கியமானது. இது அன்றாட பிரச்சனைகளை தீர்க்கவும் உதவுகிறது.

ஜூரா காந்தோனில் பிரெஞ்சு பாடங்கள்

COMUNICA ப்ரோக்ராம் வெளிநாட்டினருக்கு ஆரம்ப நிலை (A1) முதல் மேம்பட்ட நிலை (B2) வரை பிரெஞ்சு பாடங்களை வழங்குகிறது. இந்த பாடங்கள் விலை உயர்ந்தவை அல்ல. COMUNICA ப்ரோக்ராமில், நமது எழுத்துக்களை அறியாதவர்கள் அல்லது படிக்க அல்லது எழுதுவதில் சிரமம் உள்ளவர்களுக்கான படிப்புகளும் உள்ளன: எழுத்தறிவு பாடங்கள்.

சில கொம்யூன்கள் கட்டணத்தில் ஒரு பகுதியைச் செலுத்துகின்றன.

பெண்கள் மற்றும் குடும்பங்களுக்கான அனிமேஷன் மற்றும் பயிற்சி மையம் (CAFF) அங்கேயே குழந்தைகளை பார்த்துக் கொள்ளும் சேவையுடன் பெண்களுக்கான பிரெஞ்சு பாடங்களை வழங்குகிறது. இந்த பாடங்கள் விலை உயர்ந்தவை அல்ல.

பிராந்தியத்தில் பிற பிரெஞ்சு பாடங்கள் உள்ளன.

AJAM மொழி பாடங்களை கூட குறிப்பாக புகலிடம் கேட்டு வருபவர்களுக்கு வழங்குகிறது

பிரெஞ்சில் எந்த நிலை?

ஒரு நபரின் பிரெஞ்சு மொழி தேர்ச்சியின் நிலையைக் கண்டறிய, "மொழிகளை கற்க, கற்பிக்க, மதிப்பீடு செய்ய ஐரோப்பிய பொது கட்டமைப்பு (CECR)" பயன்படுகிறது.

இந்த கட்டமைப்பு A1 (தொடக்கம்) நிலையில் இருந்து C2 (முழுமையான தேர்ச்சி) நிலை வரை செல்கிறது. தொழில் பயிற்சியில் சேர நீங்கள் B1 அல்லது B2 அளவைக் கொண்டிருக்க வேண்டும்.

"fide" தேர்வானது சுவிட்சர்லாந்தில் அன்றாட வாழ்க்கைக்கான பிரஞ்சு நிலையை அளக்கிறது. இது வாய்மொழி (பேச்சு) மற்றும் எழுத்து மொழியின் நிலையை அளக்கிறது. முடிவுகள் "மொழி பாஸ்போர்ட்டில்" கொடுக்கப் படுகின்றன. இந்த பாஸ்போர்ட்டை வேலை தேட, குடியிருப்பு அல்லது குடியேற்ற விசாவுக்கு அல்லது சுவிஸ் குடியுரிமைக்கு விண்ணப்பிக்க பயன்படுத்தப்படலாம்.

3. பயிற்சி மற்றும் வேலை

ஜூரா காந்தோனில் பலர் வேலை செய்ய வருகிறார்கள். கூடுதலாக, 5% வெளிநாட்டு மக்கள் ஜூரா காந்தோனிற்கு தொழில் பயிற்சியைப் பெற வருகிறார்கள்.

ஆனால் பெரும்பாலும், வெளிநாட்டவர்களுக்கு, வேலை சூழலில் ஒருங்கிணைப்பது கடினம். வெவ்வேறு காரணங்களுக்காக இது கடினமாக உள்ளது. நிர்வாக நடைமுறைகள் சிக்கலானவை. அவர்களின் நாட்டின் பள்ளிகள் மற்றும் பயிற்சிகள் சுவிட்சர்லாந்தில் இல்லை. அவர்களின் நாட்டிலிருந்து வரும் அனுபவங்கள் மற்றும் டிப்ளோமாக்கள் சுவிட்சர்லாந்தில் அங்கீகரிக்கப் படவில்லை. மக்கள் போதுமான அளவு பிரெஞ்சு பேச மாட்டார்கள். அவர்களுக்கு நிறைய நண்பர்கள் அல்லது அறிமுகமானவர்கள் இல்லை. சில நேரங்களில் மக்கள் வேலை தேடும் போதோ அல்லது வேலை செய்யும் இடத்திலோ பாகுபாடு அல்லது அநீதிக்கு உள்ளாகிறார்கள்.

வேலை தேட சில உதவிகள்

பிராந்திய வேலை வாய்ப்பு அலுவலகம் (Office régional de placement - ORP) மக்கள் [வேலை] (90305) தேட உதவுகிறது.

வெளிநாட்டினர் ஒருங்கிணைப்பு மற்றும் இனவெறி எதிர்ப்பு போராட்ட அலுவலகத்தில் இரண்டு பிரசுரங்கள் கிடைக்கின்றன. அவற்றின் தலைப்புகள்:

  • “ஜூரா காந்தோனில் வேலை தேடல்” (தகவல் மற்றும் கருவிகள்)
  • “வேலைவாய்ப்பில் அனைவரும் சமம். வேலை சூழலில் இனவெறி மற்றும் பாகுபாட்டைத் தடுப்பதற்கான சரியான நடைமுறைகளுக்கான வழிகாட்டி" (குறிப்பாக முதலாளிகளுக்கு)

தொழில் பயிற்சியை கண்டுபிடித்து சேர உதவிகள்

PréFOR மற்றும் PAI + ப்ரோக்ராம்கள் சுவிட்சர்லாந்திற்கு வந்துள்ள 16 முதல் 25 வயதுக்குட் பட்ட இளைஞர்களுக்கானது.

இந்த ப்ரோக்ராம்கள் இந்த இளைஞர்களுக்கு பின்னர் தொழில் பயிற்சியில் சேர உதவுகின்றன.

கட்டாயப் பள்ளிக்குப் பிந்தைய பயிற்சித் துறை (கட்டாயப் பள்ளிக்குப் பிறகு) இளைஞர்கள் மற்றும் பெரியவர்கள் தொழில் பயிற்சியைக் கண்டறிய உதவுகிறது.

AJAM கூட குறிப்பாக புகலிடம் கேட்டு வருபவர்களுக்கான பயிற்சியைக் கண்டறிய உதவுகிறது.

4. சிறு குழந்தைப் பருவம் (0 முதல் 4 வயது)

வாழ்க்கையின் முதல் வருடங்கள் குழந்தையின் வளர்ச்சிக்கு முக்கியமானவை. இந்த காலத்தில், குழந்தை பல விஷயங்களைக் கற்றுக்கொள்கிறது. குழந்தைக்கு ஒரு உறுதியான அடித்தளத்தை வழங்குவது குறிப்பாக அவர்களின் பள்ளி வாழ்க்கைக்கு முக்கியம்.

பெண்கள் மற்றும் குடும்பங்களுக்கான அனிமேஷன் மற்றும் பயிற்சி மையம் (CAFF) பெற்றோர் மற்றும் குழந்தைகளுக்கான பயிற்சி பட்டறைகளை வழங்குகிறது.

இந்த பட்டறைகளில், பெற்றோரின் பங்கு பற்றி பேசப் படுகிறது. இந்த விஷயத்தைப் பற்றியும் பேசப் படுகிறது: "குழந்தையை நன்றாகப் பள்ளியைத் தொடங்க எப்படி தயார்படுத்துவது".

"Petits:pas" என்பது Familles2000 வழங்கும் திட்டம்.

இந்த திட்டம் குழந்தைகளின் வளர்ச்சிக்கு உதவுகிறது. அது அவர்களை சமூகத்தில் ஒருங்கிணைக்க உதவுகிறது. பெற்றோர்களுடனான விளையாட்டுகள் மற்றும் செயல்பாடுகள் மூலம், குழந்தைகள் பேசவும், இயங்கவும், நண்பர்களைப் பெறவும், அவர்களின் உணர்ச்சிகளை நிர்வகிக்கவும் கற்றுக்கொள்கிறார்கள்.

"புத்தக குளியல்" 80க்கும் மேற்பட்ட மொழிகளில் புத்தகங்கள் மற்றும் கதைகளைச் சுற்றி செயல்பாடுகளை ஏற்பாடு செய்கிறது.

ஒன்றாக வாழ்வது பற்றிய புத்தகங்கள் மற்றும் விளையாட்டுகள்: வெவ்வேறு கலாச்சாரங்கள் மற்றும் ஒன்றாக வாழ்வது பற்றி குழந்தைகளுடன் பேச புத்தகங்களும் விளையாட்டுகளும் உள்ளன. போர்ரெந்த்ரூயில் உள்ள ஜூரா காந்தோனிய நூலகத்தில் சில புத்தகங்களும் விளையாட்டுகளும் கிடைக்கின்றன.

பிரஞ்சு மற்றும் குழந்தைகள்

வெளிநாட்டு குழந்தைகளை, பிரெஞ்சு மொழி பேசும் குழந்தைகளுடன் கூடிய விரைவில் பழக விட வேண்டும். பள்ளிக்குச் செல்வதற்கு முன் அவர்கள் பிரெஞ்சு மொழியைக் கற்றுக்கொள்வது முக்கியம். குழந்தை காப்பகங்கள், மழலையர் பள்ளி அல்லது பெற்றோர் மற்றும் குழந்தைகளுக்கான சிறப்பு வாய்ப்புகள் இதற்கு மிகவும் நல்லது.

பெற்றோர்களும் தங்கள் சொந்த மொழியை குழந்தைகளுடன் அதிகம் பயன்படுத்த வேண்டும். இதுவும் முக்கியமானது.

உதாரணமாக: குழந்தைகளிடம் அதிகம் பேசுங்கள், அவர்கள் சொல்வதைக் கேளுங்கள், அவர்களின் சொந்த மொழியில் கதைகளைச் சொல்லுங்கள்.

பள்ளிக் குழந்தைகளும் தங்கள் மொழியிலேயே பாடம் கற்கலாம். இந்த படிப்புகள் பிறப்பிட மொழி மற்றும் கலாச்சார படிப்புகள் (LCO படிப்புகள்) என்று அழைக்கப் படுகின்றன. இந்தப் படிப்புகள் பொதுவாக பிறப்பிட நாட்டின் தூதரகம் அல்லது துணைத் தூதரகம் அல்லது ஓரு சங்கத்தால் ஏற்பாடு செய்யப்படுகின்றன.

LCO படிப்புகள் பற்றிய அனைத்து தகவல்களையும் பள்ளிகள் வழங்குகின்றன.

5. "ஒன்றாக வாழ்வது"

நமது காந்தோனில் அனைவரும் நன்றாக இருக்க வேண்டும். ஒவ்வொரு நபரும் சமூகத்தின் ஒரு பகுதியாக அனைவரின் நன்மைக்காக தங்கள் திறமைகளை பங்களிக்கிறார்கள். ஒவ்வொரு நபரும் தன் அன்றாட வாழ்வில், தனது நகரத்தில், தனது சுற்றுப்புறத்தில் அல்லது அண்டை வீட்டாருடன் ஈடுபாடு கொள்ளலாம்.

சங்கங்கள், வெளிநாட்டு மக்கள் குழுக்கள் மற்றும் மத சமூகங்களும் இதற்கு முக்கியமானவை. [தன்னார்வத் தொண்டு] (90321) செய்யவும் முடியும்.

"ஒன்றாக வாழ்வது" என்பதை ஆதரிக்கும் திட்டங்களை உருவாக்க விரும்புகிறீர்களா?

இந்த முகவரியில் பயனுள்ள தகவல்களையும் ஆலோசனைகளையும் காணலாம்:

வெளிநாட்டினர் ஒருங்கிணைப்பு மற்றும் இனவெறிக்கு எதிரான போராட்டத்திற்கான அலுவலகம்

Faubourg des Capucins 20

2800 தெலமோந்த்

மின்னஞ்சல்: secr.bi@jura.ch

தொலைபேசி. 032 420 51 12

திங்கள் மற்றும் வியாழன் 8:30 மணி முதல் 12 மணி வரை மற்றும் 1:30 முதல் 4:30 மணி வரை

வெள்ளி 8:30 மணி முதல் 12 மணி வரை மற்றும் 1:30 முதல் 4 மணி வரை.

பெண்களுக்காக

பெண்கள் மற்றும் குடும்பங்களுக்கான அனிமேஷன் மற்றும் பயிற்சி மையம் (CAFF) புலம்பெயர்ந்த பெண்களுக்கான பட்டறைகள் மற்றும் செயல்பாடுகளை வழங்குகிறது. இந்த பட்டறைகள் பிரெஞ்சு மொழி பேசவும் புதிய நபர்களை சந்திக்கவும் வாய்ப்பளிக்கின்றன.

அனைவருக்காக (ஆண்கள் மற்றும் பெண்கள்)

Caritas Jura வால் நிர்வகிக்கப்படும் LARC, அனைவருக்கும் திறந்திருக்கும் இடமாகும். இந்த இடம் புதிய நபர்களைச் சந்திக்கவும் பழகவும் செயல்பாட்டு வாய்ப்புகளை வழங்குகிறது.

வெளிநாட்டினர் ஒருங்கிணைப்பு மற்றும் இனவெறி எதிர்ப்பு போராட்ட அலுவலகம் சில நேரங்களில் ஒருங்கிணைப்பு அல்லது இனவெறி தொடர்பான பாடங்களில் வட்ட மேசை கூட்டங்கள் அல்லது கண்காட்சிகள் போன்ற நிகழ்வுகளை ஏற்பாடு செய்கிறது.

6. பாகுபாடுகள் மற்றும் இனவெறி எதிர்ப்பு போராட்டம்

ஒரு நபர் அநியாயமாக நடத்தப்படுகிறாரா? பின்வருவனவற்றால் அவர் மற்றவர்களை விட குறைவாக மதிக்கப்படுகிறாரா:

  • அவரது தோற்றம்
  • அவரது பாலினம்
  • அவரது வயது
  • அவரது மொழி
  • அவரது சமூக நிலைமை
  • அவரது வாழ்க்கை முறை
  • அவரது மதம், மதிப்புகள் அல்லது அரசியல் கருத்துக்கள்
  • அல்லது அவரது உடல், மன அல்லது உளவியல் குறைபாடு?

அப்படியென்றால் அவர் பாகுபாட்டினால் பாதிக்கப் பட்டவர்.

அவர் பாரபட்சமாக நடத்தப் படுகிறார் என்றும் கூறலாம்.

சுவிஸ் அரசியலமைப்பில் யாரும் பாரபட்சமாக நடத்தப் படக்கூடாது என எழுதப்பட்டுள்ளது.

தண்டனைச் சட்டத்தின் பிரிவு 261b பாரபட்சமான செயல்களுக்கு தண்டனை அளிக்கிறது.

இருப்பினும், வாழ்க்கையின் பல பகுதிகளில் பாகுபாடு மற்றும் இனவெறியைக் காண்கிறோம்.

உதாரணமாக வேலையில், வீடு தேடலில் அல்லது அண்டை வீட்டாருடனான உறவில்.

இது புண்படுத்தும் வார்த்தைகளாக, தாக்குதலாக அல்லது அநீதியின் வடிவாக இருக்கலாம்.

துரதிர்ஷ்ட வசமாக, இது பெரும்பாலும் மறைமுகமாக நிகழ்கிறது. இது நம் கண்களில் படுவதில்லை.

நீங்கள் பாகுபாடு அல்லது இனவெறியால் பாதிக்கப்பட்டவரா?

அல்லது பாகுபாடு அல்லது இனவெறிச் செயல்களைப் பார்த்தீர்களா?

அப்படியென்றால் இந்த அலுவலகத்தை தொடர்பு கொள்ளவும்:

வெளிநாட்டினர் ஒருங்கிணைப்பு மற்றும் இனவெறிக்கு எதிரான போராட்டத்திற்கான அலுவலகம்

Faubourg des Capucins 20 – 2800 தெலமோந்த்

மின்னஞ்சல்: secr.bi@jura.ch

தொலைபேசி. 032 420 51 12

திங்கள் மற்றும் வியாழன் 8:30 மணி முதல் 12 மணி வரை மற்றும் 1:30 முதல் 4:30 மணி வரை

வெள்ளி 8:30 மணி முதல் 12 மணி வரை மற்றும் 1:30 முதல் 4 மணி வரை.

அங்கு, உங்கள் பிரச்சனையை கேட்டு, தகவல் மற்றும் ஆலோசனை வழங்கப்படும்.

இந்த அலுவலகம் ஜூரா காந்தோனில் உள்ள அனைத்து பாகுபாடு வழக்குகளையும் பதிவு செய்கிறது.

இனவெறிக்கு எதிராக ஈடுபட விரும்புகிறீர்களா?

இனவெறிக்கு எதிரான உங்கள் திட்டங்களில் இந்த அலுவலகம் உங்களுக்கு ஆலோசனை மற்றும் ஆதரவளிக்கிறது.

7. உரைவிளக்கம் மற்றும் மொழிபெயர்ப்பு

நீங்கள் சுவிட்சர்லாந்திற்கு வரும்போது, ​​ உங்களுக்கு பிரெஞ்சு மொழி தெரியாது அல்லது அது சரியாகப் புரியாது. ஆனால் பெரும்பாலும், ஒருவரையொருவர் நன்கு புரிந்துகொள்வது அவசியம்.

எளிமையான சூழ்நிலைகளுக்கு, நீங்கள் மொழிபெயர்க்க உதவுமாறு நண்பர்கள், குடும்பத்தினர் அல்லது உங்கள் சமூகத்தில் உள்ளவர்களிடம் கேட்கலாம்.

ஆனால் முக்கியமான அல்லது தனிப்பட்ட உரையாடல்களுக்கு (உதாரணமாக, ஒரு மருத்துவருடன், பள்ளியில் அல்லது உத்தியோக பூர்வ ஆவணங்களுக்கு), தொழில்முறை உரைபெயர்ப்பாளரை அழைப்பது நல்லது.

Caritas Suisseன் "ஒருவரையொருவர் புரிந்து கொள்தல்" சேவையானது தொழில்முறை உரைபெயர்ப்பாளர்களை வழங்குகிறது.

அவர்கள் சமூக உரைபெயர்ப்பாளர்கள். சிலர் உங்கள் நாட்டிலிருந்து வருகிறார்கள். அவர்கள் உங்கள் மொழியைப் பேசுகிறார்கள், உங்கள் கலாச்சாரத்தையும் அறிவார்கள். அவர்கள் நேரில், தொலைபேசி அல்லது வீடியோ மூலம் வேலை செய்கிறார்கள். இந்த உரைபெயர்ப்பாளர்கள் சிறப்பு நடைமுறைகளிலும் உங்களுக்கு உதவ முடியும்.