Ç’është integrimi?

Integrimi është kur njeriu ndihet mirë në Zvicër, kur të gjithë ndihen se janë pjesë e të njëjtës bashkësi, kur çdo njeri merr pjesë në të mirën e të gjithëve. Pak nga pak, çdo njeri duhet të marrë pjesë, sipas mundësive të tij, në jetën ekonomike, politike, kulturore dhe shoqërore. Për një integrim të mirë, respekti, ndihma e ndërsjellë dhe mundësitë e barabarta janë të rëndësishme.

Si ndodh integrimi?

Integrimi ndodh në jetën e përditshme: në shtëpi, në punë dhe gjatë kohës së lirë. Çdo njeri mund të lëvizë lirisht dhe të komunikojë me të tjerët. Njerëzit nga të gjitha vendet dhe të gjitha kulturat duhet të trajtohen në të njëjtën mënyrë, me respekt.

Rregullat për një integrim të mirë të të huajve janë shkruar në nenin 4 të Ligjit federal mbi të huajt dhe integrimin (LEI).

Link

Ligji federal mbi të huajt dhe integrimin (LEI), neni 4 (FR)

Integrimi: një përgjegjësi e të gjithë shoqërisë

Integrimi ka të bëjë me të gjithë. Integrimi është për të mirën e të gjithëve.

Shteti (Konfederata, kantonet dhe komunat) dhe shoqëria duhet të lehtësojnë mundësitë e barabarta për të gjithë. Duhet nxitur pjesëmarrja e të huajve në jetën publike.

Integrimi ndodh në radhë të parë në strukturat e zakonshme si:

Ndonjëherë, duhen oferta integrimi për të ndihmuar të huajt të hyjnë në strukturat e zakonshme. Për shembull një klasë integrimi, me mësime frëngjishteje dhe mësime të tjera, për të mundur, më vonë, të hyjnë në një shkollë profesionale.

Politika e integrimit

Prej vitit 2014, Konfederata dhe kantonet krijojnë Programe kantonale të integrimit (PIC). Këto programe përmbajnë oferta për të huajt.

Programi PIC përmban fusha të ndryshme:

  • Informacionet dhe këshillat
  • Kurset e frëngjishtes
  • Trajnimi dhe puna
  • Fëmijëria e hershme
  • "Të jetuarit së bashku"
  • Lufta kundër diskriminimit dhe racizmit
  • Përkthimi me gojë dhe me shkrim

Çdo kanton krijon programet e veta sipas nevojave të tij.

Që prej vitit 2019, ofertat e integrimit për njerëzit që vijnë nga azili bëjnë pjesë në këto programe (Agenda Intégration Suisse (AIS)).

Përveç PIC, Konfederata mbështet edhe projekte të tjera dhe programe kombëtare.

Link

Programi kantonal i integrimit (PIC) (FR)

Agenda Intégration Suisse (AIS) (FR)

Sekretariati i shtetit për migracionin i Konfederatës (SEM) (FR)

Ligji federal për të huajt dhe integrimin (LEI) (FR)

Programe të nxitjes së komisionit federal të migracionit (CFM) (FR)

Mirë se erdhët në Zvicër

Në kantonin e Jura-së: 2 shërbimet kryesore për integrimin

  • Zyra e integrimit të të huajve dhe e luftës kundër racizmit (BI)

Në kantonin e Jura-së, kjo zyrë zbaton politikën e integrimit të të huajve dhe të luftës kundër racizmit.

Kjo zyrë është pika e kontaktit midis popullatës, administratës, institucioneve dhe shoqatave.

Kjo zyrë bën pjesë në Shërbimin e aksionit shoqëror, nën përgjegjësinë e Departamentit të Punëve të Brendshme të kantonit të Jura-së.

  • Shoqata Jurasiane e Pritjes së Migrantëve (AJAM)

AJAM pret personat që i takojnë sistemit të azilit (lejet B të refugjatit, F, N dhe S).

AJAM i shoqëron në jetën e tyre të re në kantonin e Jura-së.

Kjo shoqatë ndihmon personat:

  • të marrin përkujdesje mjekësore
  • të gjejnë një punë
  • të strehohen
  • dhe të integrohen në jetën shoqërore jurasiane.

Kantoni i Jura-së ia ka deleguar këtë punë AJAM-it.

AJAM kujdeset gjithashtu për Qendrën e Animacionit dhe Trajnimit për Gratë dhe Familjet (CAFF) dhe Shtëpinë Komunitare të Shëndetit (MdSC).

Link

Zyra e integrimit të të huajve dhe luftës kundër racizmit (FR)

Shoqata jurasiane e pritjes së migrantëve (AJAM) (FR)

Qendra e Animacionit dhe Trajnimit për Gratë dhe Familjet (CAFF) (FR)

Shtëpia Komunitare e Shëndetit (MdSC) (FR)