Drogat
Sipas ligjit federal mbi lëndët narkotike, është e ndaluar mbajtja, shitja ose konsumimi i drogave ilegale. Dhe kjo edhe në sasi të vogla.
Nëse dikush bën tregti të drogës, ka masa ndëshkuese të rënda
Drogat, alkooli dhe duhani
Është e rëndësishme të respektoni ligjet mbi drogat, alkoolin dhe duhanin. Ja çfarë duhet të dini:
Alkooli dhe duhani
Shitja e alkoolit dhe duhanit është e kufizuar sipas moshës. Në kantonin e Jura-së:
- është e ndaluar t’u shiten pije alkoolike të rinjve nën 16 vjeç
- është e ndaluar t’u shitet duhan dhe alkool i fortë të rinjve nën 18 vjeç.
Ndalimi i pirjes së duhanit
Për vendet ku është e ndaluar pirja e duhanit ka rregulla të rrepta.
Këto rregulla shërbejnë për të mbrojtur shëndetin e të gjithëve.
Është e ndaluar të pihet duhan në:
- në hapësirat publike të mbyllura (spitale, administrata, shkolla, muze, kinema, teatro, trena dhe autobusë, dyqane dhe qendra tregtare)
- në ambientet ku punojnë shumë njerëz
E drejta për të pirë duhan në restorante varet nga madhësia e restorantit. Në shumë restorante , gjendet një sallë e posaçme për të pirë duhan. Ajo quhet: dhomë për të pirë duhan.
Për disa persona, është e vështirë të ndalojnë pirjen e duhanit ose marrjen e drogave.
Këta persona kanë varësi (nga duhani, nga droga, etj.). Ju gjeni informacione mbi ndihmat e mundshme dhe parandalimin e varësive: për shembull shërbimet e ndihmës dhe organizatat e mbështetjes.
