Ofertat e tranzicionit

Ndonjëherë, disa të rinj kanë nevojë për vit të 12-të në shkollën e detyrueshme për ta përfunduar me sukses programin e vitit të 11-të dhe për të përmirësuar rezultatet e tyre shkollore. Për këtë, prindërit duhet të bëjnë një kërkesë me shkrim pranë shkollës, para fundit të shkurtit. Vendimi merret nga Service de l’enseignement (Shërbimi i arsimit).

Viti i 12-të në gjermanisht

I riu mundet gjithashtu ta bëjë këtë vit të 12-të në gjermanisht, në një klasë të 11-të në një shkollë të Kantonit Bâle-Campagne. Kështu, ai ka mundësi të përmirësojë njohuritë e tij në gjermanisht. I riu duhet të regjistrohet pranë shkollës së tij (të Jura-së) para fundit të marsit.

Dega e Lidhjes është e destinuar për nxënësit që duhet të përmirësojnë njohuritë e tyre shkollore, para fillimit të një shkolle ose një formim profesional.

Ky program është 5 ditë shkollë me kohë të plotë gjatë një viti.

Për t’u regjistruar në degën e lidhjes, duhet kaluar përmes aplikacionit MON APP'

Ndonjëherë, para se të filloni një praktikë profesionale, është më mirë të kryeni një para-praktikë profesionale. Kjo është një ndihmë për të përmirësuar aftësitë tuaja shkollore ose për të mësuar të njihni mjedisin e punës. Para-praktika profesionale duale zhvillohet çdo javë: 2-3 ditë shkollë dhe 2-3 ditë punë në ndërmarrje.

Për të rinjtë emigrantë, ekziston para-praktika profesionale e integrimit [PAI](93811). Ky program i ndihmon të rinjtë të përmirësojnë frëngjishten, matematikën dhe njohuri të tjera shkollore.

Për t’u regjistruar në para-praktikë profesionale, duhet kaluar përmes aplikacionit MON APP'

Ndonjëherë, të rinjtë nuk kanë gjetur ende një ndërmarrje për formimin e tyre. Ose nuk e kanë zgjedhur ende profesionin e tyre të ardhshëm. Atëherë, ata mund të ndjekin një vit orientimi. Gjatë këtij viti, ata vazhdojnë shkollën dhe kryejnë stazhe.

Për t’u regjistruar në vitin e orientimit, duhet kaluar përmes aplikacionit MON APP'.