Oraret e hapjes të dyqaneve dhe festat zyrtare

Festat zyrtare janë si një ditë e diel. Në kantonin e Jura-së, festat zyrtare janë këto:

• 1 janar: Viti i Ri
• 2 janar: E nesërmja e Vitit të Ri
• E premtja e shenjtë (e premtja para Pashkëve)
• E hëna e Pashkëve (e hëna pas Pashkëve)
• 1 maj: Festa e Punës
• E enjtja e Shëlbuemit (40 ditë pas të dielës së Pashkëve)
• E hëna e Rrëshajës (50 ditë pas të dielës së Pashkëve)
• E enjtja e Festës së Korpit dhe Gjakut të Krishtit (60 ditë pas të dielës së Pashkëve)
• 23 qershor: në kujtim të 23 qershorit 1974, dita kur populli jurasian votoi për krijimin e kantonit të Jura-së (Referendumi jurasian).
• 1 gusht: Festa kombëtare e Zvicrës
• 15 gusht : Ngritja e Shën Marisë
• 1 nëntor : Dita e Shenjtorëve
• 25 dhjetor : Krishtlindja

Në distriktin Porrentruy, e hëna e St-Martin ( e hëna e 2-të ose e 3-të pas 1 nëntorit) është po ashtu ditë feste.

Kantonet rregullojnë oraret e hapjes së dyqaneve.

Në kantonin e Jura-së, dyqanet janë të hapura zakonisht nga e hëna deri të premten nga ora 8:00 deri në orën 18:00 dhe të shtunën nga ora 8:00 deri në orën 17:00.

Disa dyqane janë të hapura deri në orën 21:00 të enjten dhe të premten.

Dyqanet e stacioneve dhe pompat e benzinës janë të hapura 7 ditë në 7.

Disa dyqane fshati janë të hapura edhe të dielën në mëngjes.

Shërbimet e kantonit janë zakonisht të hapura nga e hëna deri të premten prej orës 8:00 deri në 11:30 dhe prej orës 14:00 deri në 16:30. Oraret e shërbimeve të komunave (për shembull, oraret e zyrës komunale) mund të ndryshojnë, këshillohet të verifikohen paraprakisht.

Gjithnjë e më shumë shërbime kantonale dhe komunale janë të disponueshme online 24 orë në 24 dhe 7 ditë në 7. Shumë shërbime mund të jenë në qasje në Internet.