Zvicra është një shtet i krishterë, por shumë persona kanë besime fetare të tjera. Liria fetare është e garantuar dhe shkollat publike janë neutrale në lidhje me fenë.
Zvicra është një shtet i krishterë. Secili kanton vendos për lidhjen ndërmjet fesë dhe shtetit. Në shumicën e kantoneve, Kishat e krishtera janë të njohura zyrtarisht.
Kantoni i Jura-së njeh Kishën katolike romake dhe Kishën e reformuar ungjillore (protestante). Kjo do të thotë që shteti u jep atyre disa të drejta dhe detyra.
Për shembull, ato mund të mbledhin tatime në gjirin e anëtarëve të tyre.
Në kantonin e Jura-së, shumica e njerëzve janë katolikë romakë (53%).
Ka gjithashtu të krishterë të tjerë (7%) dhe myslimanë (2,5%).
16% të popullsisë deklarohen pa fe (sipas të dhënave statistikore më 31.12.2022).
Kushtetuta zvicerane garanton lirinë fetare. Secili ka të drejtë të praktikojë dhe të shprehë fenë e vet. Askush nuk mund të detyrohet të bëjë pjesë të një komuniteti fetar ose të marrë pjesë në veprimtari fetare.
Të gjithë personat kanë të drejtë të mblidhen për të kremtuar ritualet fetare dhe festat. Asnjë person nuk duhet të diskriminohet për shkak të fesë së tij apo të bindjeve të tij.
Shkolla publike e detyrueshme është neutrale në lidhje me fenë, por aty mund të jepen mësim temat fetare.
Lënda “Etika dhe kulturat fetare” (Éthique et cultures religieuses) në shkollë mundëson të zbulohen fetë e ndryshme dhe vlerat humaniste dhe fetare.
Disa komunitete fetare propozojnë edukimin fetar të tyre.
