መድሕን ስንክልና

መድሕን ስንክልና (AI) መሰረታዊ ሃገራዊ መድሕን እዩ።

ኩሎም ዓበይቲ ሰባት ኣብ AI ኣበርክቶ ክገብሩ ኣለዎም። ኣብ ነፍሲ ወከፍ ወርሒ፣ ናይቲ ሰራሕተኛ ደሞዝ ሓደ ክፋል ንAI ንምኽፋል ይዕቀብ። እዚ ፍርቂ ናይቲ ኣበርክቶ እዩ። እቲ ኣስራሒ ነቲ ካልእ ፍርቂ ይኸፍሎ።

ባዕሎም ዝሰርሑን ስራሕ ኣልቦን እውን ኣበርክቶኦም ክኸፍሉ ኣለዎም። ነዚ ንምግባር ድማ ኣብቲ ዝነብሩሉ ኮሙን ዝርከብ ትካል AVS/AI ከመልክቱ ኣለዎም።

መን እዩ ንሓገዝ AI ብቑዕ?

ብሰንኪ ጸገማት ጥዕና ወይ ስንክልና (ኣካላዊ ወይ ኣእምሮኣዊ) እንተወሓደ ን1 ዓመት ክሰርሑ ዘይክእሉ (ወይ ድማ ብኽፋል ግዜ ጥራይ ክሰርሑ) ዘይክእሉ ሰባት፣ ሓገዝ AI ክረኽቡ መሰል ኣለዎም።

እቲ ብAI ዝወሃብ ሓገዝ ብዝተፈላለየ መልክዕ ይመጽእ፣ ፋይናንሳዊ ወይ ደገፍ። ንኣብነት፦

• ስጉምትታት ምሕዋይን ዳግመ ውህደትን (ንስራሕ ንምስልጣንን ንምርካብን)፣
• መዓልታዊ ኣበል ወይ
• ዓመታዊ ክፍሊት።

ሓደ ሰብ ናይ AI ጡረታ ዝረክብ ብሰንኪ ናይ ጥዕና ጸገሙ ወይ ስንክልና ድሕሪ ደጊም ኣብ ሓይሊ ስራሕ ክውሃሃድ ምስ ዘይክእል ጥራይ እዩ።

ኣገልግሎት AI ንምርካብ ናብ ትካል ማሕበራዊ መድሕን ካንቶን (ቤት ጽሕፈት AI) ከተመልክቱ ኣለኩም

ምስ ናይ AI ጡረታኦም፣ ገለ ሰባት መሰረታዊ ድሌታቶም (መግቢ፣ መንበሪ ገዛ ወዘተ) ንምሽፋን እኹል ገንዘብ የብሎምን።

እዞም ሰባት እዚኦም ድሕሪኡ ተወሳኺ ጥቕምታት (PC) ክረኽቡ መሰል ክህልዎም ይኽእል እዩ። ካብቲ ኣብ ዝነብሩሉ ኮሙን ዝርከብ l’agence AVS/AI (ትካል AVS/AI) ንPC ከመልክቱ ኣለዎም።

መን ተወሳኺ ጥቕሚ ክረክብ መሰል ከም ዘለዎን ከም ዘይብሉን ዝምልከት ንጹር ሕግታት ኣሎ