መድሕን ስራሕ ኣልቦነት

ኩሎም ሰራሕተኛታት ኣብ መድሕን ስራሕ ኣልቦነት (AC) ኣበርክቶ ክገብሩ ኣለዎም። ኣብ ነፍሲ ወከፍ ወርሒ፣ ሓደ ክፋል ናይቲ ሰራሕተኛ ደሞዝ ንAC ንምኽፋል ይዕቀብ። እዚ ፍርቂ ናይቲ ኣበርክቶ እዩ። እቲ ኣስራሒ ነቲ ካልእ ፍርቂ ይኸፍሎ።

ስራሕኩም እንተስኢንኩም፣ ካብ ናይ ስራሕ ኣልቦነት ፋንድ ናይ ስራሕ ኣልቦነት ሓገዝ ትረኽቡ። መጠን ሓገዝ ሽቕለት ኣልቦነት ኣብ ዝተፈላለዩ መዐቀኒታት ይምርኮስ።

ባዕልኹም ትሰርሑ ዲኹም?

ሽዑ ናይ ስራሕ ኣልቦነት መድሕን ከተመልክቱ ኣይትኽእሉን።

ስራሕ ክትስእኑ ዲኹም? ስራሕኩም ስኢንኩም ዲኹም? ድሕሪኡ ብዝተኻእለ መጠን ቀልጢፍካ ኣብቲ ኣብ ቀረባኻ ዝርከብ l'Office régional de placement(ቤት ጽሕፈት ስራሕ ዞባ) (ORP) ተመዝገቡ።

ኣብ Jobroom ብኢንተርኔት ተመዝገቡ።

መቅሹሽ፦ ስራሕኩም ከም እትስእኑ ምስ ፈለጥኩም ብቕልጡፍ ተመዝገቡ። ካብታ 1ይቲ መዓልቲ ሽቕለት ኣልቦነት ዘይደሓረ።

L'ORP ሓበሬታን ደገፍን ክህበኩም እዩ።

LOffice régional de placement(ቤት ጽሕፈት ስራሕ ዞባ) (ORP) ይመኽረኩምን ብቕልጡፍ ስራሕ ክትረኽቡ ይሕግዘኩምን።

ናይ ስራሕ ኣልቦነት ሓገዝ እንተረኺብኩም ኣብ ቃለ መሕትት ክትሳተፉ ኣለኩም። ግዴታ እዩ።

ORP ኮርሳት ወይ ስልጠናን ስራሕን መደባት እውን የቕርብ። ገሊኦም ግዴታ እዮም፣ ገሊኦም ድማ ኣይኮኑን፣ ከከም ውልቃዊ ኩነታትኩም እዩ።

ክሳብ ሕጂ ኣብ ስዊዘርላንድ ኣይሰራሕኹምን? ስራሕ'ውን ትደሊ ኣለኹም?

ኣብ ORP ክትምዝገቡ ትኽእሉ ኢኹም። ንኣብነት CV ከመይ ጌርኩም ከም እትጽሕፉ ምኽሪ ክትረኽቡ ኢኹም። ናይ ስራሕ ኣልቦነት ሓገዝ ግን ኣይክትረኽቡን