ፍቓድ ምዝዋር መኪና

ናብ ስዊዘርላንድ ክትግዕዙ ከለኹም፣ ድሮ ፍቓድ መዘወሪ መኪና እንተሃልዩኩም፣ ናብ ናይ ስዊዘርላንድ ክትቅይርዎ ኣለኩም። ነዚ ክትገብሩ 12 ወርሒ ኣለኩም። መመልከቲኹም ናብ Office cantonal des véhicules (ቤት ጽሕፈት ፍቓድ ተሽከርከርቲ ካንቶን፣ OVJ) ከተቕርቡ ኣለኩም።

ከከም መበቆል ሃገርኩም፣ ናይ ስዊዘርላንድ ፍቓድ መዘወሪ መኪናኹም ንምርካብ ከተማልእዎ ዘለኩም ፍሉይ ረቛሒታት ክህልወኩም ይኽእል እዩ። ክልሰ-ሓሳብን/ወይ ተግባራዊ ፈተና ክትወስዱ ክግደድ ይኽእል እዩ። Office cantonal des véhicules (ቤት ጽሕፈት ፍቓድ ተሽከርከርቲ ካንቶን፣ OVJ) ኩሉ ኣድላዪ ሓበሬታ ክህበኩም እዩ።

ግብራዊ ፍቓድ መዘወሪ መኪና ክትረኽቡ እንተደሊኹም መጀመርታ ናይ ክልሰ-ሓሳብ ፈተና ክትሓልፉ ኣለኩም። ሕቶታት ክትምልሱ ክትግደዱ ኢኹም።

ኣብ ካንቶን Jura፣ እቲ ናይ ክልሰ-ሓሳብ ፈተና ብፈረንሳይኛ፣ ጀርመንኛ፣ ጣልያንኛን እንግሊዝኛን ክውሰድ ይከኣል። Office cantonal des véhicules (ቤት ጽሕፈት ፍቓድ ተሽከርከርቲ ካንቶን፣ OVJ) ኩሉ ኣድላዪ ሓበሬታ ይህበኩም።

ናይ ክልሰ-ሓሳብ ፈተናኻኹም ምስ ሓለፍኩም፣ ናይ ተማሃራይ ፍቓድ ክትረኽቡ ኢኹም። ምስ ሞያዊ መምህር ትምህርቲ ምዝዋር መኪና ምውሳድ ይምከር። እቲ መምህር ነቲ ግብራዊ ናይ ምዝዋር ፈተና ክትወስዱ መዓስ ድሉው ከም ዝኾንኩም ክነግረኩም እዩ።