ዩራ (Jura) ሓንቲ ካብተን ኣብ ስዊዘርላንድ ዝርከባ 26 ካንቶናት እያ። ብዕድሚኣን ብስፍሓታን ካብተን ዝነኣሳ ካንቶናት እያ።
ካንቶን ዩራ ልዕሊ 82 ሽሕ ነበርቲ ኣለዉዋ። ካብዚኦም ኣስታት 15% ወጻእተኛታት እዮም።
858 ትርብዒት ኪ.ሜ ዝስፍሓታ ካንቶን ዩራ ኣብ 3 ኣውራጃታት ትምቀል፤ ደልሞንት (Delémont), ፖረንትርዊን (Porrentruy),ሙቲየ (Moutier), ፍራንሽ ሞንታኝ (Franches-Montagnes)። 51 ምምሕዳራት ተጠቓልል እያ።
ነፍሲ ወከፍ ከባቢ ብባህልን ቁጠባን ይፈላለዩ።
ደለሞን Delémont] ርእሰ ከተማ እያ። ኣብ ካንቶን ዩራ [ፈረንሳ ይዝረብ።
ቅድሚ 1815 እዚ ከባቢ ናይ ዩራ ኣብ ትሕቲ ሰበኻ ጉባኤ ባዘል እዩ ነይሩ። ብ1815 ድማ ብምኽንያት ጉባኤ ቪየና ንካንቶን በርን ተዋሂቡ። እንተኾነ ግን ህዝቢ ዩራ ቋንቋ ፈረንሳን ባህሊ ፍራንኮፎንን ሒዙ ቀጺሉ። ምስ ግዜ ኣብ መንጎ እቲ ቋንቋ ፈረንሳ ዝዛረብ ክፋልን ዝተረፈ ክፋል ካንቶን በርንን ወጥሪ ተፈጢሩ። ኣብ መጀመርታ መበል 20 ክፍለ ዘመን ሓድሽ ካንቶን ናይ ምፍጣር ሓሳብ ተላዒሉ። ኣብ መወዳእታ ብ23 ሰነ 1974 እቶም ነበርቲ ንካንቶን ዩራ ንምምስራት ኣድሚጾም። ካብ 1 ጥሪ 1979 ጀሚሩ ካንቶን ዩራ ወግዓዊ ኮይኑ። ገለ ክፋል ናይ ዩራ (Jura bernois) ኣብ ካንቶን በርን ተሪፉ። ከተማ ሙቲየ ኣብ 2026 ናብ ካንቶን ዩራ ተጸንቢራ።
ኣብ ዩራ ዝርከቡ ልምድታትን ባህልታትን ምስ ሃይማኖታዊ በዓላትን ወቕትታትን ዝተኣሳሰሩ እዮም።
ካንቶን ዩራ ብናይ ውሽጢ ዓዲ ፍርያታ ትፍለጥ፤
ዳማሲን ኤኦፒ (Damassine AOP) ዝብሃል ነቢት (ልዑል መጠን ኣልኮል)
ብዙሓት ሓረስቶትን ኢደ ጥበበኛታትን ካልእ ብሉጽ ጽሬት ዘለዎ ዞባዊ ፍርያት የፍርዩ። ኣብ ነፍሲ ወከፍ ክልተ ዓመት ኣብ ኮርተሜሎን (Courtemelon) ዓቢ ውድድር ዞባዊ ፍርያት ይካየድ።
